SABC blaas R20 milj. op luukse motors
2011-10-11 09:08
Johannesburg – Personeel by die SABC het R20 miljoen op luukse voertuie vir hul nuusspan spandeer, berig Eyewitness News.
Dít wyk af van tenderprosesse en verontagsaam 'n moratorium op die huur van nuwe motors by die uitsaaier.
Die motors is nie verseker nie en word by verskeie SABC-komplekse geparkeer.
Interne korrespondensie toon dat 86 nuwe voertuie in September teen 'n koste van R20 miljoen van die SABC se huidige verskaffer verkry is.
In e-posse wat tussen bestuurders by die uitsaaier gestuur is, sê hulle die nuusspan is desperaat vir nuwe voertuie.
Belangrike stories word gemis en kameramanne kon glo vir ses maande nie die kantoor verlaat nie.
– Lees meer hier
– Volg Nuus24 op Twitter