SAA vlieg 24 uur tydens WB
2010-01-05 21:59
Johannesburg - Daar sal vliegtuie 24 uur ‘n dag in die lug wees tydens vanjaar se wêreldbeker sokkertoernooi, het die Suid-Afrikaanse Lugdiens (SAA) Dinsdag gesê.
“SAA beplan om ons lugdiens vir 24 uur per dag tydens die wêreldbeker te verleng om die wedstryd-tye te akkomodeer, “ het SAA woordvoerder Azure Jenneker aan SAPA gesê.
Jenneker het gesê hulle werk nou saam met Match – die amptelike kaartjie-verskaffer vir die wêreldbeker – om te help met vervoer.
Jenneker het gesê dis nog onseker of daar ekstra vlieeneers en vliegtuie gedurende die toernooi gehuur sal word.
“Daar’s nog geen besluit geneem of SAA bykomende vliegtuie of personeel sal kry nie.”
Sy het gesê kaartjiepryse sal nie van die huidige stelsel afwyk nie.
Verlede maand het SAA en Match ‘n saamewerkings ooreenkoms geteken.
Volgens die ooreenkoms sal SAA 45 000 retoer vlugte vir Match klante beskikbaar maak om tussen Johannesburg, Durban en Kaapstad en tussen Durban en Kaapstad te vlieg.
-Sapa