SA skryf 23 000 briewe aan Zuma
2010-02-16 15:00
Johannesburg – Die vakbond Solidariteit beplan om Dinsdag 23 000 briewe aan president Jacob Zuma by die parlement af te lewer, het hulle gesê.
Die briewe sal in possakke en kruiwaens afgelewer word gedurende Zuma se antwoord op die debat oor sy staatsrede, het Dirk Hermann, woordvoerder vir die vakbond, gesê.
“Die vakbond het oorspronklik verwag dat sowat 10 000 briewe in die kort tyd gestuur sou word, maar briewe het vanoggend nog ingestroom,” het Hermann gesê.
Volgens Hermann het duisende Suid-Afrikaners briewe aan Zuma gestuur via ‘n webwerf, e-pos en SMS, waarin hulle hom gevra het om misdaad ‘n groter prioriteit te maak.
“Die doel van Solidariteit se veldtog is om aan die president te wys dat ‘n groot hoeveelheid Suid-Afrikaners baie ernstig is oor misdaad,” het hy gesê.
Die briewe sal na verwagting by die besoekers-ingang van die parlement in Pleinstraat afgelewer word.
- Sapa