SA-prof verkies tot hoof van chirurgie
2010-01-24 16:40
Ken Boffard, ’n Suid-Afrikaanse professor by die Charlotte Maxeke Akademiese Hospitaal in Johannesburg, is verkies tot die wêreld president van die Internasionale Vereniging van Chirurgie.
"Prof. Boffard is die eerste president van dié vereniging wat van Afrika afkomstig is,” het die departement van gesondheid in Gauteng gesê.
“Hy is ook die eerste trauma chirurg wat tot die posisie verkies is.”
Boffard het gesê die aanstelling sal hom die geleentheid gee om chirurgiese opleiding in omstandigehede waar dit nie altyd moontlik is nie, te verbeter.
“Ek beskou my aanstelling as ’n direkte kompliment aan Charlotte Maxeke en sy personeel vir die werk wat hulle doen.”
“Ek sien baie daarna uit om met my kollegas te werk om toegang tot chirurgie uit te brei,” het hy bygevoeg.
Qedani Mahlangu, die LUR vir gesondheid en sosiale ontwikkeling het Boffard geluk gewens en dit beskryf as ’n bewys van die kaliber van professionele medici se werk in die gesondheidsektor van Gauteng.
Boffard sal die hoof van ’n vereniging word wat chirurge in 108 lande sal verteenwoordig. Hy sal sy pligte vir die volgende twee jaar in Switserland uitvoer.
Hy is tans hoof spesialis en kliniese hoof van die chirurgiese departement by die hospitaal, asook by die Universiteit van Witwatersrand.
-Sapa