'SA-mynbedryf nie in krisis'

2012-09-16 13:19

Kaapstad – Die Suid-Afrikaanse Kamer van Mynwese het ontken dat die land se mynbedryf in 'n krisis gedompel is, het die SABC berig.

Dít kom ná gewelddadige betogings by verskeie myne in die Noordwes waar mynwerkers 'n basiese salaris van R12 500 eis.

Volgens Vusi Mabena, woordvoerder, wil die Kamer van Mynwese graag probeer verstaan wat die geweld veroorsaak en tot die salaris-eise aanleiding gee voordat hy hom oor die stand van die bedryf kan uitlaat.

Mabena het ook ontken dat die swak woonomstandighede bygedra het tot die gewelddadige betogings deur mynwerkers by Marikana.

Volgens hom ontvang mynwerkers 'n toelae om te verseker dat hulle ordentlike wonings kan bekostig.

Mabena sê toe die Lonmin-mynwerkers begin staak en 'n hoër salaris geëis het, was die platinum-mynbedryf reeds in die moeilikheid.

Dit is hoekom 'n hoër salaris van R12 500 nie bekostigbaar is nie.

– SABC.

– Volg Nuus24 op Twitter.