SA-letterkundige sterf op Kersdag
2011-12-26 17:00
Kaapstad – Prof J.C. Kannemeyer, een van Suid-Afrika se mees bekende biograwe en letterkundiges, is op Kersdag weens 'n beroerte in Stellenbosch oorlede.
Hy was 'n buitengewone professor by die Universiteit Stellenbosch en het enkele dae voor sy dood sy laaste biografie, oor die Nobelpryswenner J.M. Coetzee, voltooi.
Kannemeyer (72) het ook die lewensverhale van D.J. Opperman, C.J. Langenhoven, Louis Leipoldt en Uys Krige geskryf.
Beeld het die nuus Sondag op sy Twitter-profiel aangekondig.
Die digter Johann Lodewyk Marais het Kannemeyer se dood Sondag bevestig.
Volg Nuus24 op Twitter.
– Nuus24