SA kinders kritiek in Britse hospitaal
2011-09-21 14:32
Kaapstad – Twee Suid-Afrikaanse kinders veg om hul lewens in 'n Britse hospitaal nadat hul ma se ekskêrel homself in hul huis aan die brand gesteek het.
Die polisie vermoed David Potts het petrol oor hom gegooi en hom aan die brand gesteek nadat hy al die deure van die huis in Altrincham naby Manchester, gesluit het.
Tracy Jones en Potts het Maandagaand rusie gemaak, waarna hy na die huis teruggekeer en die selfmoord-wraakaanval uitgevoer het.
Die 40-jarige Jones en haar drie kinders uit twee vorige huwelike, Zak (4), Shaun (15) en Cailin (18) is in 'n kritieke toestand en word vir brandwonde en rookinaseming behandel.
Shaun en Cailin is uit Jones se huwelik met Steve van Straaten, 'n Suid-Afrikaner, gebore.
– Lees meer hier
– Volg Nuus24 op Twitter