Rugbyspeler uit Cravenweek oor k-woord

2012-07-04 13:02

Kaapstad – 'n Jong talentvolle rugbyspeler wat 'n swart rugby-afrigter die k-woord toegesnou het, kan steeds onder streng voorwaardes rugby speel.

Beeld het berig dat André Esterhuizen (18) vir 'n jaar geskors is, maar die vonnis is vir ses maande opgeskort op voorwaarde dat hy ’n kursus in lewensvaardighede volg.

Esterhuizen is gestraf nadat hy vuiltaal gebruik het toe hy op Potchefstroom Gimnasium se swart rugby-afrigter, Thabo Molete, gevloek en hom 'n k****r tydens 'n rugbywedstryd tussen die Klerksdorpse Hoërskool (KHS) en Potchefstroom Gimnasium genoem het.

André May, president van die Luiperds-rugbyunie (LRU), het gesê hy voel jammer vir Esterhuizen omdat hy 'n briljante rugbyspeler is.

"Ek hoop daar is 'n lewensles vir hom en elke speler en beampte in dit," het hy in 'n verklaring gesê.

Esterhuizen is deur 'n tugkomitee skuldig bevind aan wangedrag en is uit die span gelaat wat gekies is vir die Cravenweek.

– Volg Nuus24 op Twitter.