Rubriek gestaak ná rasbom
2011-03-01 09:55
Johannesburg – Die weeklikse rubriek in die Sunday World van Kuli Roberts is met onmiddellike ingang gestaak.
Die aankondiging is deur die koerant se redakteur, Wally Mbhele, gedoen.
Dit volg na klagtes dat Roberts rassistiese uitlatings gemaak het in haar jongste rubriek deur veralgemenings te maak oor bruinmense en hulle te verneder.
Die hoofredakteur van Avusa Media, Mondli Makhanya, sê hulle is besig met 'n interne ondersoek na die kwessie.
Die Suid-Afrikaanse Menseregtekommissie het vroeër ook bevestig dat hy 'n klagte ondersoek oor die rubriek.
Roberts sê in die rubriek onder andere dat bruin meisies altyd verseker sal wees van 'n groot gesin en dat baie van hulle aanwas asof Allan Boesak hulle gestuur het om die kleurlingras te vermeerder.
– RSG
Volg Nuus24 op Twitter