Rowers vlug ná transitorooftog in Strand

2012-01-23 19:57

Kaapstad – Twee mans is op vrye voet nadat hulle Maandag ‘n transitovoertuig by ‘n vulstasie in die Strand beroof het, het die polisie in die Wes-Kaap gesê.

Volgens lt. kol. Andrè Traut het die mans ‘n sekuriteitswag wat geld by die vulstasie se winkel opgelaai het aangerand.

Die wag was op pad terug na die voertuig toe hulle hom met ‘n geweer aangehou en twee geldbokse by hom geneem het.

Die rowers het omstreeks 07:30 in ‘n wit Toyota Conquest met ‘n rooi merk op die enjinkap op Broadway-weg gevlug.

Geen skote is afgevuur nie en niemand is beseer nie.

– Volg Nuus24 op Twitter
 

- SAPA