Rowers vas ná hulle niks steel
2009-09-18 14:07
Johannesburg- Ses verdagtes is Vrydag in hegtenis geneem na ‘n transitoroof waarin hulle leë hande weggekom het.
Volgens dir. Govindsamy Mariemuthoo, polisiewoordvoerder, het die mans ‘n Teba Bank transitowa voorgekeur wat na ‘n myn in Carletonville onderweg was.
Die mans het hulle vuurwapens op die insittendes gerig en aangedring op die geldhouers wat in die voertuig was. Hulle het kort daarna in ‘n wit minibus van die toneel gevlug in die rigting van Randfontein.
Een verdagte is op die toneel vasgetrek en nog vier in Randfontein. Nog twee verdagtes is ook later vasgetrek.
Dit het later aan die lig gekom dat die geldhouers leeg was. Die voorval word deur die polisie ondersoek.
–Sapa