Rowers slaan toe op JHB supermark
2009-10-18 13:14
Johannesburg - Nege gewapende mans het 'n supermark in Meyerton, in die suide van Johannesburg, van kontant en lugtyd-bewyse beroof, het die Johannesburg-polisie Sondag gesê.
Die groep, gewapen met pistole en twee gewere, het die personeel en kliënte by die Multisave-supermark in Rothdene rondom 16:15 Saterdag aangehou, het kapt. Shad Mashobane gesê.
'n Skietgeveg het tussen die rowers en die winkel se eienaar uitgebreek. Niemand is beseer nie.
Die groep het op pad uit 'n sekerheidswag se vuurwapen gevat. Hulle het in 'n wit Nissan Sentra, 'n silwer Honda Civic en 'n wit Toyota Corolla gevlug.
Niemand is nog in hegtenis geneem nie.
- Sapa