Rowers martel verpleegster met strykyster

2013-01-17 08:02

Johannesburg – 'n Verpleegster is met 'n warm strykyster gemartel toe sy en haar kollega Woensdag in hul woonstel in Daspoort, Pretoria, oorval en beroof is, het die polisie gesê.

Die 24-jarige vrou het by die woonstel ingestap waar die vier gewapende mans vroeër haar woonstelmaat oorval het. Die woonstelmaat het die deur oopgemaak nadat die mans geklop het, het kapt. Bonginkosi Amos Msimango in 'n verklaring gesê.

Nadat die gewapende mans omstreeks 17:30 by die woonstel ingebars het, het hulle die vrou se woonstelmaat (24) vasgebind.

Toe sy later die dag van die werk af terugkeer huis toe, het hulle haar ook vasgebind en met 'n warm strykyster op haar ken en elmboog gebrand totdat sy haar motorsleutels oorhandig het.

Die mans het met 'n skootrekenaar en die vrou se oranje Polo Vivo, met die registrasienommer, BM 93 SR GP, gevlug.

Niemand is in verband met die voorval in hegtenis geneem nie.
       
– Volg Nuus24 op Twitter

- SAPA