Rower dood in skietgeveg naby Margate

2012-07-10 13:45

Johannesburg – ‘n Vermeende rower is doodgeskiet en ‘n ander een is gewond tydens ‘n skietery met die polisie in Ezinqoleni, wat naby Margate in KwaZulu-Natal geleë is, het die polisie gesê.

Kol. Vincent Mdunge sê ses gewapende mans het Dinsdagoggend omstreeks 01:00 probeer om ‘n snoepwinkel by ‘n plaaslike taxistaanplek te beroof.

“Die eienaar, wat binne die winkel geslaap het, is deur die gewapende mans geforseer om oop te maak voordat hulle hom van ‘n onbekende hoeveelheid geld beroof het.”

Mdunge sê die polisie is in kennis gestel en ‘n skietery het uitgebreek terwyl die bende gevlug het.

“’n Vermeende rower is doodgeskiet terwyl ‘n ander een gewond en na ‘n hospitaal geneem is...”

Mdunge sê die polisie is steeds op soek na die oorblywende vier mans.

Volg Nuus24 op Twitter   

- SAPA