Rottweilers val vrou aan

2012-07-17 18:58

Johannesburg – ‘n Pretoriase vrou het kritieke beserings opgedoen toe talle rottweilers haar in Garsfontein aangeval het, het paramedici gesê.

Jeffrey Wicks, ‘n woordvoerder vir Netcare 911, sê die huishulp was besig om in ‘n tuin te werk toe die honde haar aangeval het.

“Hulle het die vrou gesleep toe sy naarstiglik probeer het om hulle met ‘n tuinslang af te weer,” het hy gesê.

Wicks sê ‘n veiligheidswag wat haar hoor skree het, het daarin geslaag om die vrou na ‘n veilige plek te neem.

Paramedici het haar aan ‘n asemhalingsmasjien gekoppel voordat sy per helikopter na ‘n nabygeleë hospitaal geneem is.

Volg Nuus24 op Twitter

- SAPA