Rosebank-skieter pleeg selfmoord
2011-08-01 18:25
Johannesburg – Die verdagte wat Maandag die stasiekommissaris van Rosebank-polisiestasie geskiet het, het glo selfmoord gepleeg.
Alex Eliseev, verslaggewer van Eyewitness News, het op Twitter gesê volgens bronne het die skieter selfmoord gepleeg nadat die stasiekommissaris geskiet en ‘n ander beampte noodlottig gewond is.
“Ek kan bevestig dat die stasiekommissaris van Rosebank-polisiestasie geskiet is en na ‘n hospitaal geneem is. Haar toestand is nie bekend nie,” het kol. Tshisikhawe Ndou aan Eyewitness News gesê.
Volgens Ndou is die polisie steeds besig om inligting op te volg.
Verdere besonderhede sal later Maandag bekendgemaak word.
Volgens berigte is die skieter ‘n voormalige werknemer wat weens bewerings van bedrog afgedank is.
Nathi Mthethwa het Maandagmiddag by die polisiestasie opgedaag.
– Volg Nuus24 op Twitter.
- SAPA