'Regters moet vakansietyd werk'
2012-12-18 12:45
Johannesburg – Regters in KwaZulu-Natal is deur hul regterpresident beveel om uitstaande hofbeslissings tydens die vakansietyd te voltooi, het die Star Dinsdag berig.
"Ek stuur vandag vir die regters 'n brief om hulle te herinner aan hul grondwetlike plig," het KwaZulu-Natal se regterpresident, Chiman Patel, gesê.
Sy instruksies volg nadat dit aan die lig gekom het dat dit een regter drie jaar geneem het om 'n uitspraak te lewer.
"Enigiets meer as twee verdagings – wat sowat sewe maande is – is onaanvaarbaar. Ek wil die regters versoek om hul vakansietyd te gebruik om op te vang," het Patel gesê.
Regter Anton van Zyl het verlede maand die verstekvonnis opgehef van 'n saak wat hy in
September 2009 aangehoor het.
Dié saak het 'n egpaar van Marianhill betrek wat agterstallig was met hul verband en – ten spyte daarvan dat hulle 'n bedrag aan die bank terugbetaal het – hul huis verloor het toe die bank dit opgeveil het.
Van Zyl het nou beveel dat die kwessie van die eksekusie-veiling hof toe geneem word – 'n skuif wat die saak nóg verder kan laat sloer.
Volg Nuus24 op Twitter.
- SAPA
