Regter se vrou probeer verklaring as bewyse verhoed

2012-09-20 16:27

Kaapstad – Die vrou van die vermoorde waarnemende regter Patrick Maqubela en haar medebeskuldigde daag die toelaatbaarheid van hul verklarings aan die polisie uit, is Donderdag berig.

Die Cape Times berig dat Thandi Maqubela en die sakeman Vela Mabena sal voortgaan met ‘n verhoor binne ‘n verhoor om te probeer verhoed dat hul verklarings as bewyse gebruik word.

Die weduwee word van die moord op Maqubela in Junie 2009 aangekla.

Die staat het aangevoer dat ‘n 80 cm lange stuk kleefplastiek gebruik is om Maqubela te versmoor, waarna dit in ‘n asblik in die hoofslaapkamer van sy woonstel gegooi is.

Die staat het vir twee weke na die verlore kleefplastiek gesoek en het dit Woensdag na die hof gebring.

Volgens die berig sal die verhoor op 8 Oktober in die Kaapstadse hooggeregshof voortduur.

– Volg Nuus24 op Twitter 

- SAPA