'Regstudente kan nie skryf, tel'
2010-02-23 15:20
Kaapstad - Sommige regstudente in Suid-Afrika is so sleg opgevoed dat hulle skaars kan tel, 'n rekenaar gebruik of in Engels lees of skryf.
Dít het kenners gesê ter ondersteuning van 'n ondersoek deur die Raad op Hoër Onderwys oor die effektiwiteit van die LLB-graad, wat hulle meen nie studente voorberei vir dié beroep se eise nie.
Die vier jaar LLB-graad het voorheen vyf jaar geneem om te voltooi, maar 12 jaar gelede het die departement van justisie dit na vier jaar verminder om voorheen benadeelde matrikulante te akkomodeer.
Dít sou hulle in staat stel om die kursus te voltooi en 'n jaar se studiegeld te spaar.
Nic Swart van die Regsorde van Suid-Afrika het gesê dié situasie is 'n groot kwelpunt.
"Daar is studente wat voorbereid is vir die praktyk, maar die grootste bekommernis is dat baie van hulle erg sukkel om reg te skryf. Een van ons take is om studente te help om regsdokumente op te stel, maar hulle sukkel om dit in Engels te doen," het Swart gesê.
"Ons is ook deur die Universiteit van Kaapstad aangestel om navorsing met hul studente te doen, en ons het bevind dat 70% van hulle kon nie eers eenvoudige take optel nie. Hulle kan ook nie regsdokumente navors of 'n rekenaar en die internet gebruik nie."
– Times Live