Regstappe kom oor Linkin Park-fratsongeluk

2012-11-09 09:24

Kaapstad – Die hartseer man van 'n vrou wat gesterf het nadat sy voor Linkin Park se konsert by die Kaapstad-stadion beseer is, het gesê hy gaan regstappe doen, berig die Cape Argus.

Florentina Heaven-Popa, wat as opleidingsbestuurder by die One & Only-hotel by die V&A Waterfront gewerk het, is beseer toe steierwerk Woensdagaand, kort voor Linkin Park se konsert, omgewaai is. Sy het later weens haar beserings in die Christiaan Barnard-gedenkhospitaal gesterf.

Altesaam 19 ander mense is beseer.

Heaven-Popa was oorspronklik van Roemenië en het ses jaar gelede na Kaapstad verhuis.

"Ons sal regsstappe doen en wil dus nie verder kommentaar lewer nie," het Leslie Heaven gesê.

Heaven was saam met sy vrou op pad na die konsert toe die ongeluk plaasgevind het.

Intussen het die stad Kaapstad gesê 'n onafhanklike ondersoek na die gebeure wat tot  Heaven-Popa se dood gelei het, sal gedoen word.

– Lees meer hier

– Volg Nuus24 op Twitter