Regering 'sal nie mediavryheid ondermyn'
2010-10-15 21:48
Johannesburg - Die Suid-Afrikaanse regering bly volledig toegewy aan die grondwet en het “geen bedoeling” om enigiets te doen wat die vryheid van media en uitdrukking sal ondermyn nie, het adj. pres. Kgalema Motlanthe Vrydag gesê.
Motlanthe het gepraat by ‘n vergadering in Magaliesburg tussen die regering en die Suid-Afrikaanse Nasionale Redakteursforum (Sanef) oor mediavryheid en kommunikasie tussen die regering en die media.
Die regering se voorgestelde wet op die beskerming van inligting en die ANC se mediatribunaal-voorstel het heelwat kritiek ontlok.
Motlanthe het beklemtoon dat die grondwet die misbruik van mag deur enigiemand verhoed.
Die voorsitter van Sanef, Mondli Makhanya, het in sy openingstoespraak gesê die media sien uit na konstruktiewe gesprekke met die regering oor hierdie kwessies.
- Volg Nuus24 op Twitter
- SAPA