Regering is NVG se baas - Zuma
2009-12-14 14:07
Johannesburg - Die Nasionale Vervolgingsgesag (NVG) moet aan die regering verantwoording doen aangesien sommige van hul besluite "verdere gevolge" mag dra.
Só het pres. Jacob Zuma Maandag gesê tydens 'n onderhoud met Talk Radio 702.
"Die NVG rapporteer aan die regering; dis nie iets wat op sy eie in die lug vlieg nie - sonder enige beheer. En daar is besluite... wat gevolge kan dra en dit is hoekom ons die departement [van justisie] het."
Zuma het reageer op vrae oor die aanstelling van die voormalige regter direkteur-generaal Menzi Simelane, wat onder skoot gekom het nadat 'n kommissie van ondersoek vroeër bevind het hy het probeer om in te meng met die NVG se werk.
Simelane het 'n brief geskryf aan die voormalige hoofaankaler Vusi Pikoli om hom te probeer verhoed om die oud-polisiehoof Jackie Selebi te vervolg.
Die Pretoriase Balieraad is besig om 'n aanklagte teen Simelane se aanstelling as die nuwe direkteur van openbare vervolging (NDOV) te oorweeg.
Maar Zuma, wat al self die fokus van 'n NVG-ondersoek was, het in die bres getree vir Simelane se aanstelling. Die president het gesê dit is ononderhandelbaar vir die NVG om aan die regering te rapporteer.
- Sapa