Regering doen nie genoeg oor onrus – opname
2012-11-16 08:21
Johannesburg – Suid-Afrikaanse jeug voel dat die regering nie genoeg doen om arbeidsonrus te bestuur nie, toon 'n opname wat deur Pondering Panda, ’n verbruikersnavorsingsmaatskappy, gedoen is.
"Daar is bevind dat die regering nie genoeg doen om arbeidsonrus te bestuur nie, en die apartheidsbeleid van die verlede as 'n verskoning gebruik," lui 'n verklaring van die maatskappy.
Altesaam 3 998 Suid-Afrikaners tussen die ouderdomme van 18 en 34 het aan die opname deelgeneem.
Altesaam 72% van respondente het gevoel daar is geen bewyse dat die regering se planne om die arbeidsonrus te verminder, werk nie.
70% van die respondente het gesê die regering moet verantwoordelikheid aanvaar vir die geweld wat verband hou met stakings en ophou om die verlede te blameer.
Daar was baie min verskille tussen demografiese groepe.
"Dit is 'n bewys van die regering se onvermoë om die vlaag gewelddadige stakings wat die land ervaar, aan te spreek.
"Jong Suid-Afrikaners word moeg vir die idee dat apartheid steeds verantwoordelik is vir baie van ons probleme.
"Die gebrek aan geloof [in die regering] kan dalk veroorsaak dat jonger kiesers belangstelling in die politieke proses verloor.
Onderhoude is vroeër vandeesmaand gevoer.
– Volg Nuus24 op Twitter
- SAPA
