Regering: Baba-lyk verdwyning wás nalatig
2010-03-10 03:29
Durban - Die KwaZulu-Natalse departement van gesondheid het Dinsdag nalatigheid by die verdwyning van 'n baba se lyk uit 'n hospitaal erken.
Die lykie het in Januarie uit die Prince Mshiyeni-hospitaal in Umlazi se lykshuis vermis geraak.
Sibongiseni Dhlomo, LUR van gesondheid, het Dinsdag by die hospitaal aan die media gesê daar was 'n "hoë vlak van nalatigheid by die verdwyning van die baba se lyk."
Hospitaalwerknemers het ten tyde van die verdwyning nie geweet wat met die liggaam gebeur het nie.
Volgens Dhlomo word vier mense in verband met die voorval ondersoek.
- Sapa