Reeva was 'te bang' om te reageer

2013-02-21 16:01

Petoria – Landdros Desmond Nair het Donderdag gevra hoekom Oscar Pistorius se beëdigde verklaring niks sê oor sy meisie, Reeva Steenkamp, se reaksie toe hy uitgeroep het na haar voordat hy skote na ‘n “inbreker” gevuur het nie.

Barry Roux, Pistorius se regsverteenwoordiger, het gesê dit is “onwaarskynlik” dat sy sou reageer, aangesien sy bang was.

Nair wou verder weet of dit nie moontlik was dat Steenkamp vroeër na die toilet gegaan het nie en of daar nie ‘n “klein bietjie” urine in haar blaas was nie, maar Roux het gesê daar was niks.

Roux het slotbetoë in die Pretoriase landdroshof gelewer oor hoekom Pistorius borgtog toegestaan moet word nadat hy aangekla is van die moord op Steenkamp verlede Donderdag by sy huis in die Silver Woods-landgoed.

Pistorius het sy kop in sy hande gehou terwyl die verrigtinge voortgegaan het.

Roux het bygevoeg dat ‘n verklaring deur ‘n getuie “’n afleiding geskep” het dat Pistorius en Steenkamp baklei het.

Roux het gesê Steenkamp het haarself in die badkamer toegesluit om haarself van ‘n inbreker te beskerm en nie van Pistorius nie.

– Volg Nuus24 op Twitter


 

- SAPA