Reeva se kis ingedra
2013-02-19 10:40
Video - ANC-vroueliga betoog buite hof
Die ANC-vroueliga het buite die Pretoria-landroshof, waar Oscar Pistorius verskyn, betoog. Klik hier om na ’n video te kyk.
KYK
Port Elizabeth – Talle joernaliste het buite die Victoriapark-krematorium saamgedrom terwyl Reeva Steenkamp se kis by die kapel ingedra is.
Die model se familie het die media gevra om hul privaatheid te respekteer.
Steenkamp (29) is op Valentynsdag in haar kêrel, Oscar Pistorius, se huis in Silver Woods, Pretoria, doodgeskiet. Die geliefde atleet is dieselfde dag in verband met die moord vasgetrek.
Sharon Steenkamp, die oorledene se nig, sê ‘n mediakonferensie sal ná die roudiens gehou word.
Pistorius, wat die naweek in polisie-aanhouding deurgebring het, is tans in hof om aansoek om borgtog te doen.
– Volg Nuus24 op Twitter.
- SAPA
