Reën maak amok by Krugerpark

2013-01-21 08:30

Johannesburg – Grondpaaie en sommige kampe in die Krugerpark (KNP) was Maandag steeds gesluit weens swaar reën, het ‘n beampte gesê.

“Verskeie kampe en grondpaaie is sedert Saterdag gesluit en bly steeds gesluit. Dit reën nog swaar... Ons verwag dat die reën Woensdag gaan ophou,” het Ike Phaahla, woordvoerder van die KNP, gesê.

Geen sterftes of beserings is tot dusver aangemeld nie.

Besoekers word aangeraai om weg te bly van riviere en grondpaaie en om slegs geteerde paaie te gebruik.

Diegene wat beplan om die park te besoek word versoek om die besprekingskantoor te kontak en hul bespreking te bevestig voordat hulle na die park vertrek.

Die paaie, kampe en fasiliteite waartoe daar nie toegang is nie, is: Tamboti-kamp; Talamati-kamp; Muzandzeni-piekniekterrein; Krokodilbrug-kamp en –ingangshek; H10 Tshokwane na Laer Sabie; H1- en 2 Sandrivier en Sabie-laagwaterbrug; H1/1-verbindingspad tussen Skukuza en Pretoriuskop; H7 Orpen na Satara; Nwaswitshaka-laagwaterbrug; Bataleur; Shimuwini; Sirheni en die Giriyondo-grenspos.

– Volg Nuus24 op Twitter

 

- SAPA