Rampvlug: Slagoffers se identiteit bekend

2012-09-14 23:00

Johannesburg – Die identiteit van drie mense wat dood is toe ‘n ligte vliegtuig naby Nagle-dam in KwaZulu-Natal neergestort het, is deur Agri SA bekendgemaak.

Johannes Möller, president van Agri SA, het die slagoffers as Jannie Boshoff, Jannie Kemp en Theuns van Rensburg geïdentifiseer. Almal was lede van die KwaZulu-Natalse landbou-unie (Kwanalu), ‘n Agri SA-filiaal.

“Hulle het ‘n Kwanalu-kongres bygewoon. Ek het met hulle gedurende die kongres gepraat, hulle dood is nie net ‘n verlies vir Kwanalu nie, maar ook vir Agri SA,” het Möller gesê.

Hulle ligte vliegtuig het Donderdag in gure weer neergestort.

Dit is steeds nie duidelik presies wat die oorsaak van die ongeluk was nie.

– Volg Nuus24 op Twitter
 

- SAPA