Rampvliegtuig onlangs opgradeer

2012-12-07 08:01

Kaapstad – Die Suid-Afrikaanse Lugmag sê die C47 Dakota-vliegtuig wat in die Drakensberge neergestort en die lewe van 11 mense geëis het, is onlangs opgradeer, berig die SABC.

Die vliegtuig het by die Waterkloof-lugmagbasis in Pretoria opgestyg en was onderweg na Mthatha in die Oos-Kaap.

Genl. Marthie Visser, woordvoerder van die lugmag, het gesê die vliegtuig is onlangs opgradeer.

"Die Dakota is een van vele wat twee jaar gelede opgradeer is om aan burgerlike lugvaart se regulasies te voldoen."

Die weermag het gesê 'n raad van ondersoek sal die omstandighede rondom die ongeluk ondersoek.

Nosiviwe Maphisa-Nqakula, minister van verdediging, het gesê gure weer kon bygedra het tot die ongeluk.

– Lees meer hier

– Volg Nuus24 op Twitter