Ramphele se 'party' weer in kollig

2013-02-04 08:32

Johannesburg – Die aktivis en teoloog Barney Pityana het gesê hy sal 'n nuwe politieke party van die akademikus Mamphele Ramphele steun, het Business Day Maandag berig.

Pityana het gesê Ramphele sal 'n nuwe stem wees in 'n land waar die pad van ekonomiese ontwikkeling drasties van koers moet verander.

Die koerant het berig dat Ramphele haar nuwe party volgende maand bekend sal stel, en dat die party na verwagting "goeie leiers" sal lok.

Sy het verlede week gesê sy "neem kennis" van berigte dat sy beplan om 'n nuwe party te stig, en dat sy self oor haar planne sal praat.

Sy het gesê sy het gesprekke met Suid-Afrikaners gevoer oor die land se demokrasie, en het mense se opinies gevra oor oplossings vir maatskaplike, ekonomiese en politieke probleme.

– Volg Nuus24 op Twitter.

- SAPA