Ramokgopa as nuwe Tshwane-burgemeester aangewys

2010-11-02 19:31

Pretoria – Sputla Ramokgopa is Dinsdag as die nuwe burgemeester van Tshwane aangewys en het stof in die oë van Gerhardus Pretorius, DA-kandidaat geskop.

Ramokgopa het met 92 stemme teenoor Pretorius se 49 gewen.

Volgens Ramokgopa gaan hy toesien dat straatligte reggemaak word. Daar sal ook gekyk word na die instandhouding van paaie.

Hy het ook aangedui dat die kwessie rondom die skorsing van die munisipale bestuurder, Kiba Kekana, so gou as moontlik opgelos gaan word.

- Volg Nuus24 op Twitter.
 

- SAPA