Ramaphosa wil nie president word

2012-12-23 14:43

Johannesburg – Die nuutverkose adjunk-president, Cyril Ramaphosa, het gesê hy het geen ambisie om die president te word nie, berig die SABC.

Beleggers het Ramaphosa se aanstelling verwelkom, maar die miljardêr-sakeman hou vol dat hy aanvanklik huiwerig was om tot politiek terug te keer tot verskeie mense en groepe hom oorreed het om dit te doen.

Ramaphosa het intussen internasionale beleggers verseker dat die regerende party nie beleide sal implementeer wat direkte buitelandse belegging sal ontmoedig nie.

Hy het reageer op berigte dat die onlangse ekonomiese afgraderings 'n negatiewe impak het op die land se lewensvatbaarheid as beleggingsbestemming.

Agentskappe het die afgraderings toegeskryf aan 'n gebrek aan duidelikheid oor die land se sosio-ekonomiese beleide en die onlangse stakings in die myn- en landboubedryf.

Ramaphosa het ook buitelandse beleggers aangemoedig om die regering se nasionale ontwikkelingsplan en die Nuwe Groeipad te aanvaar.

– Lees meer hier

– Volg Nuus24 op Twitter