Radebe verwelkom renostroper se vonnis

2012-11-09 07:30

Kaapstad – Die minister van justisie, Jeff Radebe, het Vrydag die 40 jaar tronkstraf van die Thaise burger wat van renosterstropery aangekla is verwelkom, het RSG Vrydag berig.

Radebe se woordvoerder, Mthunzi Mhaga, het gesê renostertropery bemoeilik die regering se omgewingsbewaringspogings en die land se ekonomiese bestendigheid.

Chumlong Lem-thong-thai het skuld erken op 52 aanklagte, waaronder die onwettige verkryging van jaglisensies, wat tot die onwettige uitvoer van 26 renosterhorings gelei het.

Hy het wel skuld ontken op die ernstiger handelsaanklagte.

Landdros Prince Manyathi het in sy uitspraak gesê Suid-Afrika se howe moet 'n duidelike boodskap aan Asiese lande stuur dat sulke misdade nié geduld sal word nie. 

Volg Nuus24 op Twitter.

- SAPA