Raadslid se dogter verkrag; twee op borgtog
2013-02-20 08:09
Kaapstad – Twee mans is borgtog toegestaan nadat hulle na bewering die dogter van 'n raadslid van Grabouw verkrag het, is Woensdag berig.
Die mans, albei 24 jaar oud, het Dinsdag in die Grabouw-landdroshof verskyn en is elk borgtog van R500 toegestaan. Die saak is tot 29 April uitgestel, berig die Cape Times.
Die 22-jarige vrou, wat na bewering beurtelings verkrag is, het gesê die mans was goeie vriende wat haar familie vertrou het.
"Ek is geskok oor wat hulle gedoen het, hulle was vriende... Ek voel skaam en vuil."
Die vrou se pa het besluit om oor die voorval, wat Saterdag plaasgevind het, te praat en is kwaad omdat die beskuldigdes borgtog toegestaan is.
"Die borgtog beteken daar is iets ernstig fout met die regstelsel. Ek weet nie of dit net hier in Grabouw is nie, maar ons is nie gelukkig daaroor nie."
Seksmisdade wat in die Wes-Kaap aangemeld is, het skerp gestyg oor die afgelope vyf jaar, van 39 gevalle tot 65 verlede jaar.
Die 17-jarige Anene Booysen van Bredasdorp is drie weke gelede aangerand, verkrag en vir dood gelaat. Sy het later weens haar beserings in die hospitaal beswyk.
– Volg Nuus24 op Twitter
- SAPA
