Raad eis spesiale howe vir verkragtings

2013-02-11 13:26

Johannesburg – Die raad vir die bevordering van die Suid-Afrikaanse Grondwet (Casac) sê spesiale howe moet onmiddellik vir verkragtingslagoffers ingestel word.

Die SABC berig die organisasie sê die hoë aantal verkragtings en ander vorms van seksuele geweld werp op die oomblik baie lig op die strafregstelsel.

Casac het die naweek honderde mense in Bredasdorp in die Wes-Kaap vergesel by ‘n optog vir Anene Booysen (17) wat om die beurt verkrag, vermink en vir die dood gelaat is.

“Ons moet kyk na die stigting van spesiale howe om seksuele geweld te hanteer; om huishoudelike- en familiegeweld te hanteer...” het ‘n woordvoerder vir die raad gesê.

Veiligheidswagte het verlede naweek die slagoffer in ‘n nywerheidsgebied op die dorp gevind. Booysen is toe na die Tygerberg Hospitaal geneem, waar sy ure later gesterf het.

Drie mense is tot dusver in verband met die aanval in hegtenis geneem. Die meisie se eks-kêrel, Jonathan Davids (22), is een van die verdagtes.

Volg Nuus24 op Twitter