R30 000 se kameratoerusting gesteel
2011-06-17 12:33
Pretoria – Vier rowers het op sekuriteitswagte geskiet en weggekom met kameratoerusting ter waarde van R30 000 van Foto First in Durbanville, het polisie in Kaapstad Maandag gesê.
“Die gewapende mans het ‘n sekuriteitshek by Foto First op Main- en Wellingtonstraat rondom 20:45 Sondagaand oopforseer ,” het sers. Bernice Laäs-Bezuidenhout gesê.
“Hulle het R30 000 se kameratoerusting geneem en twee skote op ‘n 31-jarige sekuriteitswag, wat probeer het om hulle te stop, gevuur.”
Die rowers het in ‘n wit Volkswagen Golf weggejaag.
Niemand is nog in verband met die voorval in hegtenis geneem nie en polisie ondersoek ‘n saak van besigheidsroof en poging tot moord, het Laäs-Bezuidenhout gesê.
Enigiemand met inligting kan insp. Cornelias Kenneth op 021 970 5600 kontak.
- Sapa