Putco beskuldig van 'leuens' ná ongeluk

2012-06-29 10:15

Johannesburg – Die busmaatskappy Putco word daarvan beskuldig dat hy blatant jok oor padwaardigheidstoetse ná ‘n noodlottige ongeluk wat die lewens van 19 mense geëis het, het Eyewitness News berig.

‘n Putco-bus het Maandag in Meyerton in die suide van Johannesburg by ‘n brug afgestort nadat die bestuurder glo beheer oor die bus verloor het.

The Star het Vrydag in ‘n berig beweer hy het bewyse dat die bus twee toetse gedop en foutiewe remme gehad het.

Die maatskappy ontken die bewerings en sê die bus het vroeër in die maand ‘n inspeksie geslaag.

Putco sê ook hy het reeds begin om sy busse toe te rus met tegnologie wat hom sal toelaat om bestuurders se gedrag te monitor.

– Lees meer by Eyewitness News

– Volg Nuus24 op Twitter