Publiek skiet vermeende rowers
2009-12-07 23:48
Johannesburg – Twee verdagtes is geskiet en gewond nadat hulle glo Maandagmiddag ‘n besigheid in Kempton Park wou beroof, het paramedici gesê.
Die twee vermeende rowers het glo in ‘n winkel ingestap, geld gegryp en toe op die vlug geslaan. ‘n Skare mense, wat die voorval sien plaasvind het, het agter hulle aangehardloop.
“Terwyl die verdagtes gevlug het, het hulle op die skare begin skiet. Die skare het egter teruggeskiet en beide mans gewond,” het nooddienspersoneel in Johannesburg gesê.
Beide mans is in ‘n kritieke toestand in die hospitaal.
–Sapa