Prokureur gevonnis ná diefstal
2009-11-27 21:15
Kaapstad - ’n Voormalige prokureur wat na Europa toe gevlug het nadat hy kliënte se geld gesteel het, is Vrydag in die Bellville-handelshof ‘n vonnis van 10 maande lange tronkstraf opgelê.
Carl John Botman het vandag voor regter Amrith Chabillal verskyn, wat gesê het Botman het die vertroue wat inwoners van gemeenskappe in hom gehad het, verbreek en hom gevonnis op een aanklag van diefstal en 50 aanklagte van bedrog.
Botman se vonnis kom nadat hy geld van sowat 600 kliënte, wat lae-kwaliteitshuise van die Cape Town Community Housing Company (CTCHC) ontvang het, gesteel het.
Hulle het na hom vir hulp gekom.
Die aanklaer het gesê die inwoners het geweier om huur te betaal totdat die huise regemaak is.
Die gemeenskap se pastoor het Botman as hul prokureur voorgestel.
Die huurgeld was aan Botman betaal wat in ‘n trustrekening gehou is totdat Botman die saak met die
CTCHC uitgeklaar het.
Botman het egter die CTCHC se huurgeld gesteel en vir twee jaar lank na Europa gevlug.
Botman het skuldig gepleit vir die diefstal van R400 000, ongeag die aanklag wat na ‘n bedrag van R883 752 verwys het.
-Sapa