'Profeet' verskyn oor verkragting

2013-02-28 17:42

Johannesburg – Die verkragtingsaak van ‘n 47-jarige "profeet" en sy vrou is Donderdag deur die Protea-landdroshof uitgestel, het die polisie in Gauteng gesê.

Ao. Kay Makhubela het gesê die paartjie sal weer op 7 Maart in die hof verskyn. Hulle sal tot dan in aanhouding bly.

Die paartjie is Dinsdag in hegtenis geneem in verband met die verkragting van ‘n vrou in Zondi, Soweto.

Die vrou het na bewering by die profeet gaan aanklop vir gesondheidsraad. Hy het gesê sy sal net gesond word as sy met hom seks het.

“Die vrou het geweier, maar die profeet het gesê hy sal vir haar muti gee om haar te help. Hy het haar toe glo met ‘n wit poeier gesmeer wat haar duiselig gemaak het.”

Volgens Makhubela het die profeet daarna sy 48-jarige vrou aangesê om die vrou na hul kamer te neem en haar uit te trek.”

Hy het haar glo in die teenwoordigheid van sy vrou verkrag.

– Volg Nuus24 op Twitter
 

- SAPA