Pretoria-atleet sterf in tref-en-trap
2012-07-03 10:45
Johannesburg – 'n Atleet van Pretoria wat reeds 25 medaljes by die Comrades-wedloop gewen het, is in 'n tref-en-trap ongeluk dood, het Beeld Dinsdag berig.
Jan Vreken (73) is by die Total-vulstasie by die N1-afrit in Queenswood deur 'n motor getref.
Die ongeluk het Saterdag om 06:00 plaasgevind terwyl hy op die oefenroete wat hy die afgelope 30 jaar gebruik, gehardloop het.
Sy vrou, Rheda, het bekommerd geraak toe hy teen 11:00 nog nie tuis was nie, het Vreken se seun, Jan-Hendrik (38) aan die koerant gesê.
Hulle het hom in die Steve Biko-hospitaal opgespoor, maar hy was reeds dood.
Vreken het sy Comrades-medaljes tussen 1980 en 2007 gewen en hy het 'n dubbele groennommer, 5 435, 'n eer wat slegs aan deelnemers gegee word wat 20 of meer Comrades-wedlope voltooi het.
– Volg Nuus24 op Twitter.
- SAPA
