President swyg oor afdanking van minister

2013-02-11 10:12

Johannesburg – Die presidensie het berigte verwerp dat Dina Pule, minister van kommunikasie, binnekort haar werk kan kwyt wees.

"Die presidensie neem kennis van die gerug dat president Jacob Zuma die minister van kommunikasie van haar pligte gaan onthef, wat vandag [Sondag] in die meeste Sondagkoerante gepubliseer is," het Mac Maharaj, presidensiële woordvoerder, in 'n verklaring gesê.

"Die gerug en bespiegeling is kwaadwillig en sal nie die regering se aandag aflei van die staatsrede wat die week plaasvind nie."

Die Sunday Times het berig dat Pule haar werk kan verloor ná skandale waarby haar kêrel, Phosane Mngqibisa, betrek is.

Die koerant het verder berig dat Pule as deel van 'n kabinetskommeling afgedank sal word.
     
– Volg Nuus24 op Twitter

- SAPA