Presidensie swyg oor Heath

2011-12-09 10:01

Johannesburg – Die presidensie het gesê hy gaan nie die konflik tussen oudpres. Thabo Mbeki en adv. Willem Heath in die openbaar hanteer nie.

Dít volg nadat die nuut aangestelde hoof van die Spesiale Ondersoekeenheid Mbeki daarvan beskuldig het dat hy in die verhoor van pres. Jacob Zuma en Schabir Shaik ingemeng het.

Heath het dié bewerings in die City Press gemaak.

Mbeki het Donderdag in 'n verklaring gesê Heath moet bewyse verskaf van hoe hy die twee sake beïnvloed het.

Zuma het vroeër gesê hy sal regsadvies by die ministerie van justisie inwin.

– Lees meer hier

– Volg Nuus24 op Twitter