Presidensie: Dit is 'n misverstand
2009-07-31 14:44
Johannesburg- Die joernaliste wat president Jacob Zuma vergesel het op ‘n toer na die Moses Mabhida stadion in Durban het nie bevoorregte akkreditasie ontvang nie.
“Daar bestaan ‘n misverstand oor die akkreditasie. Daar is nie bedoel om sekere joernaliste opsetlik uit te sluit nie,” het Vincent Magwenya, presidensiële woordvoerder, in ‘n verklaring gesê.
Dit kom nadat die Suid-Afrikaanse Nasionale Redakteursforum (sanef) Donderdag ‘n klagte gelê oor die voordelige behandeling van vier joernaliste.
Dié verslaggewers kon Zuma op die toer deur die Stadion in Durban vergesel, terwyl ander joernaliste uitgesluit is.
“Dit was heeltemal gebrekkig vir die dekking van ‘n nuusgebeurtenis, aangesien dit selektief was en potensieel inligting kon uitlaat wat nuuswaardig kan wees,” het Jovial Rantao, woordvoerder van Sanef in ‘n verklaring gesê.
Die besoek het deel uitgemaak van Zuma se landswye besoeke aan die 2010 bouterreine.
Die toer het Saterdag plaasgevind en die “bevoorregte joernaliste” was van die Daily News, Mercury, Sunday Times en die SABC.
–Sapa