Predikant se vrou doodgesteek
2010-02-06 14:29
Kaapstad – Die vrou van ’n predikant van ’n Metodistekerk is Vrydagaand in haar huis in Bothasig vermoor.
Nonkosi Makhananda (53) is doodgesteek.
Haar man, Fikile Makhananda het haar liggaam in die sitkamer gekry nadat hy en hulle kinders van die winkels teruggekeer het.
‘n Gemeentelid het gesê sy het sewe steekwonde in haar bors gehad.
Sy het na bewering terug baklei, omdat sy talle snymerke op haar arms gehad het.
Dit is op die stadium nog nie duidelik of daar enigiets van die huis vermis is nie.
- News24