Prasa vergoed passasiers ná ongeluk

2013-02-01 16:31

Johannesburg – Suid-Afrika se passasierspooragentskap (Prasa) sê hy sal die meer as 300 pendelaars vergoed wat Donderdagoggend beseer is in 'n botsing tussen twee treine in Atteridgeville, wes van Pretoria.

Kabeldiefstal is vermoedelik die oorsaak van die ongeluk.

RSG berig die nasionale vervoerbeweging het vroeër bewerings ontken dat sy lede by die diefstal van kabels betrokke was.

Intussen sê Ben Martins, minister van vervoer, sy departement is op soek na nuwe tegnologie om koperkabels in spoorlyn-infrastruktuur te vervang, omdat kabeldiefstal te veel vertragings tot gevolg het.

Die radiostasie berig die spoorlyn tussen Saulsville- en die Electro-stasie is steeds buite werking, en duisende pendelaars is vandag afhanklik van busse wat deur Metrorail voorsien word om hulle by hulle bestemmings te kry.

Volg Nuus24 op Twitter