Posdiens-staking eindig ná drie maande

2012-06-06 12:00

Johannesburg – ‘n Drie maande lange staking deur werkers van die Suid-Afrikaanse Poskantoor (SAPK) het tot ‘n einde gekom, het die semistaatsinstelling Woensdag gesê.

Die besigheidshoof van die poskantoor, Janras Kotsi, sê hy is baie tevrede met die “vriendskaplike oplossing” van die staking ná ‘n ooreenkoms wat Dinsdagaand bereik is.

“Dit volg op die aanvaarding van die voorgestelde tydelike oplossings deur die SAPK met betrekking tot die vereistes deur die stakende werkers,” het hy in ‘n verklaring gesê.

“Ek wil my dank uitspreek aan al die relevante partye wat ‘n konstruktiewe rol gespeel het in die oplossing van die staking.”

Hy sê die staking het daartoe gelei dat pos in sekere dele van Gauteng oorgedra is, maar dit sal binne ‘n paar dae opgeklaar word.

“Die tevredenheid van [kliënte] is ‘n belangrike strategiese belang vir die groep; die raad en die uitvoerende span het saam gewerk om die herstel van die diens aan ons kliënte  te verseker,” het hy gesê.

“Ek wil opreg verskoning vra vir die verlies van dienste en die gevolglike ongerief wat ons baie kliënte ervaar het. Ons is besig om vordering te maak om te voorkom dat dit weer in die toekoms gebeur.”

– Volg Nuus24 op Twitter