Polisievroue vas ná hulle omkoopgeld vra

2012-11-26 06:55

Johannesburg – Twee polisievroue van Bethanie in die Noordwes sal Maandag in die landdroshof in Ga-Rankuwa op aanklagte van korrupsie en dwarsboming van die gereg verskyn, het die polisie gesê.

Sam Tselenyane, polisiewoordvoerder, het gesê die beamptes is Vrydag in hegtenis geneem nadat hulle omkoopgeld gevra het.

"['n Vrou] se man is vir aanranding in hegtenis geneem en sy motorsleutels was in die polisie se besit. [Sy] het na bewering die twee polisiebeamptes genader om die sleutels terug te kry," het Tselanyane gesê.

Hulle het aan haar gesê sy moet eers R5 000 betaal om die motor terug te kry," het hy gesê.

Die vrou het toe die polisie gekontak en 'n lokval is vir die beamptes opgestel.

Hulle is kort nadat hulle die geld ontvang het in hegtenis geneem.

Volg Nuus24 op Twitter.
       

- SAPA