Polisievrou sterf in motorongeluk
2010-07-21 19:51
Bloemfontein – ‘n Vrystaatse polisievrou is Woensdag oorlede nadat sy in ‘n ongeluk tussen Fauresmith en Jagersfontein betrokke was, het polisie gesê.
Dié polisiebeampte van Petrusburg en twee ander klerke was op pad na ‘n vergadering in Trompsburg, het konst. Thabo Litabe gesê.
Die voertuig het omstreeks 09:20, sowat 3km buite Fauresmith, teen ‘n brugversperring gebots en toe omgeslaan nadat die bestuurder beheer oor die voertuig verloor het.
Volgens Litabe is die vrou in die voertuig vasgekeer en op die toneel dood.
Die ander twee insittendes, ‘n man en ‘n vrou, het beserings opgedoen toe hulle weens die impak uit die voertuig gegooi is.
Beide is hospitaal toe geneem.
Volgens Litabe sal ‘n saak van strafbare manslag ondersoek word.
Volg Nuus24 op Twitter.
- SAPA