Polisiereservis met dagga betrap
2010-03-25 12:00
Johannesburg - 'n Polisiereservis en nog 'n verdagte is in Ocean View in Kaapstad in hegtenis geneem nadat dagga in hul besit gevind is, het die polisie gesê.
Insp. Nkosikho Mzuku het gesê die polisie het 'n wenk ontvang en na 'n woonstelblok gegaan.
"Die polisie het 'n verdagte voertuig in die middel van die woonstelle gesien. Hulle het gesien hoe die mans swartsakke uit 'n motor in 'n vullisblik laai."
Die polisie het op hulle toegesak en hulle in hegtenis geneem.
Sowat 33 pakkies dagga wat in koerant toegedraai is, is in die swartsakke gevind. Die geskatte straatwaarde is R2000.
Die mans verskyn binnekort in die hof.
– Sapa